Шамсудин Исаев

Ша, Лезгияр!

Чи дагъларин хур атIана авахьзавай
Самур вацIни, Кьурагь вацIни, Чирагъ вацI,
Шарвили ваз перишандиз аквазва
Къе лезгийрин кьве паднавай рикIин кьацI.

Ша, лезгияр, ша, багърияр,
Са дидедин веледар.
Дуьзмиш ийиз терс араяр,
Шарвилидин невеяр!

Вучиз?

Ви пенжердал аквадай заз
Яру цуьквер, яр.
А цуькверин сих арадай
ЧIулав вилер, яр.

Вучиз, вучиз а цуьквер
Заз акьван нуш тир?
Цуьквер хьиз, яру хъуькъвер
Гьакьван,яр, хуш тир!

Зи хайи хуьр

«Элкъвей кьилер» цуьк акъатай.
Шишер хьтин синер сагърай!
Зи хайи хуьр, багъри Кьурагь,
Садрани чаз лугьуз тахьай,
Дериндавай сирер сагърай!
Зи хайи хуьр, зи ери хуьр,
Бецер кIамни Вилен кIам.
Дагъдин свалар, цIегьер сагърай!
ЧIафар дагъни Киткенин кIам,

Кукваз булах

Цуьквер хьтин рушар гуьзел,
Гимиш кварар кьуна къуьнел,
Атана къе булахд кьилел,
Булахдин яд вуч ширин я!
«Девирдин къван» – Куквазбулах,
Вун туькIуьрай чанар сагъ хьуй!
А цикай квез хьурай панагь,
Азар-уьзуьр тергдай, яллагь!
Гьамга-гьамга земземдин яд

Кьурагь дагълар

«Элкъвей кьилер»,лекъвер-синер,
Кьурагь дагълар, Кьурагь дагълар.
Лагьуз тежер ава сирер,
Кьурагь дагълар, Кьурагь дагълар.
Алван-алван акъатна цуьк,
Шад жеда куьн акурла рикI.
Куьн ни бахтлу авуна икI,
Кьурагь дагълар, Кьурагь дагълар?
Ажеб иер аквазва куьн,

Ветеранар

Ветеранар, хайи чилин пагьливанар!
Куьн элкъвена буьруьнждизни гьулдандиз.
Петросянар, Мегьамедар, Иванар
Уьзуьагъ я, кьил хкажа уздандиз.
Ветеранар, дагъдин картар, къагьриманар!
Куь гьунарар машгьур я къе яргъариз.
Гьайиф экуь, куь хиялар-эрзиманар

Эседаз чи баркалла

ГъвечIизамаз на ви беден
Лигимарна, Эседуллагь.
Уьмуьрдин рехъ кьуна дуьзен,
Лугьузава: «Ваз баркалла!»
Ватан хуьнин карда гужлу,
Аслан хьана лезгидин хва.
Ви гьунарриз я чун буржлу,
Эседаз чи баркалла!
Автомат дуьз кьуна хурал,
Къирмишна на душман пара.