Баядар

Шагь дагъд кукIа рагъ акьуна,
Ана живер жими ялда.
Дуьнья женнет хьайитIани,
РикIиз КцIар чими ялда.

Къубадавай ичин багълар
Цуьк акъудна лацу ялда.
Вун хквезвач лугьуз гада,
РикIи завди гьикьван къалда?
 
Кьудял вацIал…

Дагъларилай элкъвей рекьер 
Къуру я лагь, руг акъатиз. 
Зи дустари зун жузуртIа , 
Кузава лагь, гум акъатиз. 

Я чарадаз несиб хьай яр,
За ваз мехерд гам храдач.
Зун ватанда, вун гъурбатда,
Зи рикIевай гъам цIрадач.

Каъацу багъдиз яд гуда за,
Къацу векьин кIаникай физ.
Я руш, вуна рикI акъудда,
Йикъа пудра виликай физ.

Яргунарин…