Вучиз?

Ви пенжердал аквадай заз
Яру цуьквер, яр.
А цуькверин сих арадай
ЧIулав вилер, яр.

Вучиз, вучиз а цуьквер
Заз акьван нуш тир?
Цуьквер хьиз, яру хъуькъвер
Гьакьван,яр, хуш тир!

Ичин багъдин къацу тIулал
Вун зав раханай.
Гаф лагьана-цIай атана,
ЗирикI на канай.

Вучиз, вучиз а чIавуз
Акъатнай цавуз?
Кьил агъузна катнай вун
Зун туна ялгъуз?

А вахтунда чидачир заз,
Багъишламиша!
РикIе маса яр авайди
Югъ-йиф, гьамиша!

Вучиз, вучиз лагьанач,
Вазяр авайди?
Минетя, лугьумир мад:
Зазяр авайди!

I970 й.