Дидед гъилер

На веледрин къайгъу чIугваз датIана,
ЧIулаварна ракъари вун никIера,
Лайих я ваз къизилгуьлер атIана,
Багъиш авун, багъ кутур чи рикIера.

Гъилер, гъилер, багьая дидед гъилер,
Мукални раб, куьтенни кьеб кIевиз кьур.
Багьа я чаз фуни партал, чан-рикIер
Гуз вуна чи уьмуьрдин рехъ экуь ур.

Гила гьамиш ала, азиз, ви кьилел,
Шад девирдин нур хтана вилериз.
Куркурар хьиз хтулар къугъваз метIел,
Темен гузва къе ви къабар гъилериз.