Ветеранар

Ветеранар, хайи чилин пагьливанар!
Куьн элкъвена буьруьнждизни гьулдандиз.
Петросянар, Мегьамедар, Иванар
Уьзуьагъ я, кьил хкажа уздандиз.
Ветеранар, дагъдин картар, къагьриманар!
Куь гьунарар машгьур я къе яргъариз.
Гьайиф экуь, куь хиялар-эрзиманар
Ухшар хьана хару ягъай багълариз.
Вереранар, Ватан хвейи кьегьалар!
Алахъа куьн дердер-гъамар кьезилриз.
РикIик кьамир ажизвилер, ит гьалар,
Гуьзгуь я куьн гележегдин несилриз.
Ветеранар, рикIел хкин чан гайибур,
Багърибурни Гъалибвилин югъ такурбур!
Диде Ватан, Дуьнья масан хьайибур,
Чи къурбандар-чи эркекар такабур!
Ветеранар, экуь гъетер нурлу жеда.
Куь женгера лигим хьанвай гъилер сагърай!
Инанмиш хьухь, уьлкве мадни гурлу жеда,
Уьмуьрдикай фикирзавай кьилер сагърай!