Ша, Лезгияр!

Чи дагъларин хур атIана авахьзавай
Самур вацIни, Кьурагь вацIни, Чирагъ вацI,
Шарвили ваз перишандиз аквазва
Къе лезгийрин кьве паднавай рикIин кьацI.

Ша, лезгияр, ша, багърияр,
Са дидедин веледар.
Дуьзмиш ийиз терс араяр,
Шарвилидин невеяр!

Хвена вуна лезги хуьрер,
Гияр шегьер, Ахцегь шегьер,
Дербент, Къуба, КцIар шегьер,
Шарвили, ви бинеяр! 

КIелед хивяй вун дагълариз килигайла,
Кетин дагъдай эркекар сих экъечIда.
Душмандал на ви хци тур илигайла,
Шалбуз дагъни ви женгерик экечIда.

Ша, лезгияр, ша, багърияр,
Шарвилидин суварик!
РикIер дегьне, туьнт рухваяр
Няметар квай суфрайрик!

Дявеяр чаз мад тахкурай
Ви тур сагъ яз чаз амукьрай!
Зуьрнеди хуш ван кутурай,
Лезгистандин чилерик,
Пелазгийрин эвледрихъ!

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.