Зарияр

Ялцугъ Эмин

ТIвар-ван авай шаир ва ашукь Эмин виликан Самур округдин (гилан Ахцегь район) Ялцугърин хуьре Абделкериман хзанда 1698-йисуз дидедиз хьана. Эмин савадлу кас тир. Ада вичи икI лугьузва: «Илимдин гуьгъуьна гьатайди камалдив агакьда, тIебиатди гьардаз са жуьредин пай ганва.

Ахцегь Назим

Ахцегь Назим (1720-1807). И шаирдин халис тIвар Магьарам я. Ада вичин шиирар «Ахцегь Назим», «Ахцегь шаир» тIварар алаз кхьена.

Акимов Къ. Х. «Лезги зарияр»

Ахцегь Назиман шиирар

Ахцегь Агьмед

Ахцегь Агьмед (гъилин ктабра адан тIвар "Агьмед ал-Ахты" кхьенва) XVIII асирда яшамиш хьана. А. Агьмеда вичин эсерар лезги ва туьрк чIаларал теснифна. "Ахцегьрин тариф" шиирдай аквазвайвал, А. Агьмедан эсерриз устадвал хае я. Ахцегь Агьмедан эсерар печатдиз сифте Гъ. Садыкъиди акъудна.

Ахцегь Закир

Шаир ва алим Ахцегь Закир (гъилин ктабра адан тIвар Абдулхаликь ал-Ахты яз гьатнава) XVIII асирда яшамиш хьана. Лез­ги, араб, фарс ва туьрк чIаларал савадлу, диндин ва тIебии илимрал машгьул инсан яз, Закир Ахцегь магьалдин къазивиле хкяна.

Лейли-Ханум

Зари Лейли-Ханум Самур магьалдин Мискискарин хуьре дидедиз хьана. Ам XVIII асирдин сад лагьай паюна яшамиш хьана. Лейли Ханума вичин шиирар-манияр лезги ва туьрк чIаларал теснифна. Савадлу дишегьли яргъал хуьрериз ва шегьерриз сиягьатриз фена ва анра ашукьрихъ галаз гьуьжетриз экъечIна.

Къурбан Мискинжви

Зари ва ашукь Къурбан XVIII асирда Самур магьалдин Мискискарин хуьре яшамиш хьана. Къурбан савадлу, РагъэкъечIдай патан чIалар чидай, марифатлу инсан хьана. Ада вичин шиирар лезги ва туьрк чIаларал теснифна Халкьдин сивера адан "Атанва зун", "Ханумар" ва маса чIалар ама.

Ахцегь Магьарам

Алим ва шаир Магьарам-эфенди (гъилин ктабра ам Магьарам-эфенди ал-Ахты яз гьатнава) XVIII асирдин кьвед лагьай паюна яшамиш хьана. Ам Самур магьалдин Къутунхърин хуьре дидедиз хьана. Ада Ахцегьрин медресада кIелна, РагъэкъечIдай патан чIалар ва илимар чирна, ахпа гьа ина тарсарни гана.