Ялцугъ Эмин

ТIвар-ван авай шаир ва ашукь Эмин виликан Самур округдин (гилан Ахцегь район) Ялцугърин хуьре Абделкериман хзанда 1698-йисуз дидедиз хьана. Эмин савадлу кас тир. Ада вичи икI лугьузва: «Илимдин гуьгъуьна гьатайди камалдив агакьда, тIебиатди гьардаз са жуьредин пай ганва. Зани са тIимил лацу-чIулавдикай кIелнава». Я. Эмин РагъэкъечIай патан халкьарин поэзиядихъ галаз таниш тир ва адаз хъсандиз азербайжан чIал чидай. Шаирди вичин яратмишунра къунши халкьарин тежрибадикай еке устадвилелди менфят къачузвай. Шаирдин «Гьамлу рикI», «Яргъаз хьухь», «Жедач», «Телли», «Дилбер» ва маса шиирра «садбур авач хьайила, садбур бул тир» девирдин татугайвилерикай раханва. Я. Эминан яшайишдин, насигьатдин ва муьгуьббатдин чIаларай, азербайжан ашукьрихъ галаз хьайи гьуьжетрай аквазвайвал, ам зегьметчийрин тереф хвейи шаир хьана. Ам гьа девирдин къанунрал нарази ва бахтлу гележегдихъ инанмиш тир: «Са вахт жеда марф къвада, жив ацукьда. Са вахт жеда гатфар гьава галукьда»...
Ялцугъ Эмин 1777-йисуз кечмиш хьана.

Акимов Къ. Х. «Лезги зарияр»

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.