СтIал Сулейман

Халкьари зун истемшина - 
Лагьай хабар araкьнa захъ. 
Гзаф артух зун саймишна, 
Заз гана лап гегьенш тир ряхъ.

Московда акуна суьрет, 
Чир хьана заз ви гьал, Пушкин. 
Ви рахунрихъ чун лап гьасрет 
Яз амукьна цIигел, Пушкин.

Юлдашари ракъай кагъаз 
Метлеб гъиле гьат хьана заз. 
Ам, ypyc чIал тежез рахаз, 
Са кIус азият хьана заз.

Кесиб тир и юлдашарин 
Виридан гьа чанар сагьрай! 
Йикъалай - къуз мецер ширин 
Акъатдай куь ванар сагърай.

Юлдашди заз орден тебрик 
Авур гьа xaбap агакьна. 
Шаирвиляй вич зав шерик 
Заз гьадан ванар агакьна.

Мубарак тир ихьтин орден 
Лап къадир чиз хвена кIанда. 
Дугъриданни, идан нурдин 
КIаник кваз къекъвена кIанда.

Заз чидай гьал эвел бине 
Вун Урусият я, Москов. 
Лугьуз жед ваз ярум дуьне -  
Гьакьван вилаят я, Москов.

Гьар шаирдин вичин буржи:
Дуьз гафар жагъурна кIанда. 
Юлдашарин чIехи - гьвечIи 
Бейтерал юзурна кIанда.