Перейти к основному содержанию

Хкиз даим мецел Пушкин

Московда акуна суьрет, 
Чир хьана заз ви гьал, Пушкин. 
Ви рахунрихъ чун лап гьасрет 
Яз амукьна цIигел, Пушкин.

Вал къазия хьана дуьшуьш. 
Йисар хьана тамаман виш. 
Эхцигун я вун ярамиш 
Шаирарин кIвенкIвел, Пушкин!

Гьелбетда, вун гьатнай кIеве, 
Алчахвал на кьунач хиве. 
Тапанчидин теклиф дяве 
Вуна ягъун эвел, Пушкин!

Ви гьунарар чаз чир хьана. 
Къажгъан хьиз рикIер ргана,  
Вири халкьди вун хкана 
Гьарда вичин рикIел, Пушкин!

За лугьудайвал гьа икIа, 
Чи юлдаш Максим Горка -  
Гьада кьунай гьа ви чка 
Артухвилин бедел, Пушкин!

Намус кьуна чIугваз дяве,
Гьич ажузвал такьаз хиве,
Залумариз ийиз тегьне,
Тир кьван лап вун кьегьал, Пушкин!

I936

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.