Юлдашари ракъай савкьат
Акваз гевил тух хьана зи.
Куьгьнедай амачир такьат
Къалай - къуз артух хьана зи.
Чанни хьана пара кIеви,
Какахьнамаз и цIийи ви.
А эвелдай хайи кефи
Гила лап ачух хьана зи.
Я гьахъ авачиз, я гьисаб,
Душманари гайи азаб.
Гьа вахтуна кIвенкI хайи раб
Яргъи масмар, мих хьана зи.
Социализма вилик тухун
Йифди - югъди гьакI алахъун,
ЦIийи гафар - чIалар рахун
Авай кар-кIвалах хьана зи.
Сулейманан яшайиш гьал
Зерре хъсан тушир эвел.
И кагъаздин са кIус энгел
Хьунухь им синих хьана зи.
Рубрика
- Добавить комментарий
- 894 просмотра
Комментарии
Ихьтин шиир заз сту акуртуш
Ихьтин шиир заз сту акуртуш
Добавить комментарий