Вун девирдиз килигмир, девран кицІин йикъава,
Гьам алим, гьам савадсуз инсан кицІин йикъава.
Баба ПУЬНГЬАН Къвалаз кицІ ягъайбуру девран и гьалда тунва,
КицІелай кьацІайбуру инсан и гьалда тунва.
Девир гьахъсуз хьайила инсанар ажуз жеда,
Са дугъри, кесиб касдин мецелай
Ажеб четин девир я, дугъривилиз фу амач,
Къени ксар дуьньядал садани гьич кваз кьазмач,
Са экуь югъ, нурлу югъ дуьз инсандиз аквазмач,
Дугъри касдин никIерал марфар кьванни гьич къвазмач,
Гьавиляй, квез минет я, чан угърияр, яб це заз,
* * *
Хаинри чеб къагьриман яз гьисабзава къе,
Усалри чеб пагьливан яз гьисабзава къе.
Какахьнава кьиляй-кьилиз дуьньядин крар,
Маймунри чеб са инсан яз гьисабзава къе.
* * *
Вич гъвечІи тир инсандивай масад чІехи ийиз жедач,
Вун ацукьай тарар хада,
Хилер хада, тамар хада,
Вун ацукьай къавар хада,
Къвагъмир, я пехъ, квахь виликай!
Яраб ви цІай галукь тавур,
Кас аватІа ви къай такур?!
Ясарвилел я вун машгьур,
Къвагъмир, я пехъ, квахь виликай!
Са буьндуьгуьрдиз
Вун лукІ я ви темягьдин,
Иес хьанваз гунагьдин,
Зун лукІ я Сад Аллагьдин,
Чакай вуж дили ятІа?!
Есир я вун девлетдин,
Дуьньяд малдин, серветдин,
Зун - са дервиш миллетдин!
Чакай вуж дили ятІа?!
Вири ганва и бендедиз:
Гаф авач буйдиз, бедендиз,
Къуватни ганва бегьемдиз,
Амма са кІус жуьрэт авач,
Намус авач, гъейрат авач.
Гьинай атай лам я и лам,
И лам хьтин лам авай туш.
Гьар акурда чухвазва кьам,
И лам хьтин лам авай туш.
Ажеб гуьрчег я акунар,
Гьам луькІуьнар, гьам рахунар,
Уьтквем я хупІ ар ягъунар,
И лам хьтин лам авай туш.
Залай гъейри кас амачни дуьньяда?!
Алат, дердер, алат, залай гъил къачу!
Акъуд куьне нягьс гъилер зи яхадай,
Алат, дердер, алат, залай гъил къачу!
Жедай крар жеда чпиз,
Гъам чIугвамир вуна, гуьгьуьл.
Сирер ава цавуз, чилиз,
Фагьум ийиз, жемир сефил,
Гъам чIугвамир вуна, гуьгьуьл.
Бинедилай икІ я девран:
Хьайиди туш гьич гьахъ-дуван.
КъазунайтІан на хур жуван,
Дуьз жедай туш девед гардан.
Ни твада дуьньяда къайда?!
Рахуникай авач файда.
Галудмир на жув гьавайда,
Дуьз жедай туш девед гардан.
