ПIузарриз хъвер гана, садаз чир тийиз
Накъвар селлер хьана, къеняй авахьиз,
Булахар саф тир ви — илгьам алахьиз…
Ятар бул ятIани, кьуразвани вун,
Часпаррин къеневаз, цIразвани вун?
Цав гьикьван экуь я, михьи я гьава,
Чи кьилел варз ала битав ацIанвай,
Зунни цаваралла — лув акатнава,-
Къе вун ахкуналди, умуд атIанвай.
Кани я заз и чуьл, и дагъ, и дере,
И чилел акъатна зи аял йисар,
Хиялриз фенай зун и вацIун кьере,
Мурадрик и чили кутунай лувар.
Нубатда хьана зун суван ценера,
Марфадиз, цифериз килиг тавуна.
Хипер, малар хвена дерин хинера,
Саврухрин къаяри, аязди кьуна.
Ваз акурди тек са — зи руьгьдал тIапIар…
КьатIанач дердерин жигъирар ина.
Ам патал хазина — рагъ къведай дакIар,
За вуч хиялзава, вун куь дердина?
Шалбуз дагъни Шагьдагъ я ви кьакьанвал ,
Акур гьар кас жедачни бес гьейран вал ?!
Веледри ви ийидач ваз дакIанвал!
АтIуда вал яргъи хьайи гьар са гъил ,
Чан зи ватан ,зи хайи эл , хайи чил !
Лагь вуна са «Перизада», Магьире
Миливилив чукIурай хуш авазар,
Ви ван хьурай гьар шегьерда, гьар хуьре
ЦIрадайвал ругьера мурк - аязар
Къе са касди лагьана заз:
«Фагьум гана ша вун акъваз!
Низ лазим я ви шиирар
Амачни ваз ийидай кар?
Хкадара вуна чIалар
Аку кIвалах гъидай пулар,
Я кIан ятIа жен мецерал,
Кхихь вуна маса чIалал!»
Лагьана за: « Я бейниван,
ЧидачтIа ваз хьурай аян.
Атанва зун мад ви патав ,Каспи гьуьл
Са гаф лагь заз, ахъая на зи гуьгьуьл
МичIи я къе зун паталди чилни цав
Минет хьурай, са тIимил кьван рахух зав
Вуч хъсан тир гатун бере
АцIанвай варз акъатнавай,
Акъвазнавай гьуьлуьн кьере
Чун сад садав агатнавай .
РапI- рапIзавай вилери ви
Цавун гъед хьиз нур гузавай ,
Юзазавай гъилери ви
Зи гъилерин къен кузавай…
Дидедин чIал, дидедин чIал-
Бубайрилай аманат чал!
Вун- лезгидин вилин нине,
Вун- зи халкьдин руьгьдин бине,
Вун- зи хайи диге масан ,
Вун- ватандин кIукIуш кьакьан,
Вун- зи яйлах, вун- зи булах
Вун- зи даях, вун- зи дамах.
Вун- шиирар сур Далагьан
