Перейти к основному содержанию

Вуч мискьи тир вун а йифиз...

Вуч хъсан тир гатун бере
АцIанвай варз   акъатнавай,
Акъвазнавай  гьуьлуьн кьере
Чун сад садав  агатнавай .

РапI- рапIзавай вилери ви
Цавун  гъед хьиз нур гузавай ,
Юзазавай гъилери ви
Зи гъилерин къен кузавай…

Вуч мискьи тир вун а йифиз
Са гаф кьванни лугьун тийиз,
Саки тади галай хъфиз ,
Элкъвез кьулухъ  гьа килигиз.

Къалабулух галай рикIик ,
Хиялзавай  квекай   вуна?
Зи дердиниз хьана шерик
Белки  тир ви кефер чIана?

Гьисзавай ви  рикIин ягъун
КIанивилин авазар хьиз
Галатани чандик юзун
Алахънавай  мани кхьиз..
 
А легьзеяр фена вуч фад …
Чир хьухь зун вахъ гьикI я гъарикI !
Авуна хьи на заз инад                           
Пад жез туна  хуруда рикI …

Рубрика

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.