Перейти к основному содержанию

РикIиз…

ПIузарриз хъвер гана, садаз чир тийиз
Накъвар селлер хьана, къеняй авахьиз,
Булахар саф тир ви — илгьам алахьиз…
Ятар бул ятIани, кьуразвани вун,
Часпаррин къеневаз, цIразвани вун?

Бахтарин гуьгъуьна галтугарна зун
Галудна, и чандик кутуна зурзун,
Амачни захъ галаз жузун – качузун?
Гъамари, нехиш тваз, хразвани вун,
Часпаррин къеневаз, цIразвани вун?

Гьарда вичиз чидай са затI акална,
Ваз нефес къвез тунач, дакIар агална,
КуьцIенвай тандикай кIвалакI акъална,
ЦIай квачиз ифена, чразвани вун,
Часпаррин къеневаз, цIразвани вун?

Кьуд патахъ килигиз хвенани абур?
Са кIвач вилик хьана валай ви сабур,
Жуваз жув такан яз — кьена такабур,
Гила пашманвилив ргазвани вун,
Часпаррин къеневаз, цIразвани вун?

Рубрика

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.