Исмихан Къадимов

Хиялар

Хиялар тум, мефтI баркаван чил хьиз я,
Азадвални жуьрэт хас я бегьердиз.
РикIин ашкъи каинатдин вил хьиз я,
Сагъвал хас я уьмуьрдин хуш сефердиз.
Хиялар экв, уьмуьр женг я бягьсинин,
Сабур, кьарай - саламатдин  гуьзгуьяр.
Къанихвал - ам вагьши вил я нефсинин,

Чан аламаз

Лугьуда хьи имтигьан я
Инсан хана рекьидалди.
Уьмуьр даим ширин чан я,
Як, кIарабрал ивидалди.
Имтигьанрай акъатайда
Им са фана дуьнья ялда.
Инсанар, куь ягь, намус хуьх,
Дуьнья мугьманхана ялда.
Кат-калтугиз, зегьмет чIугваз,
Им са текьин чара ялда.

Рагар

Рагар, рагар - дагьарар тик,
ТIебиат туьнт къилихдин.
Лал шагьидар даим шерик,
Чи бубайрин тарихдин.
Яйлахрикай рагар жез куьн,
Миллионар яшар я.
Дуьнья акур, кьатIун-дерин
Агъсакъалриз ухшар я.
КукIушрай гъуз, марфар гатаз,
Селлери гъиз вугуз куьн,

Къе яйлахда

Къуьнуьхъ лацу циф галчукна, кавал хьиз,
На лугьуди и дагъ цавун дестек я,
Секин яйлах милайим я, марал хьиз,
Гьикьван рикIиз чимини я, гуьрчег я.
Бижгъер-бижгъер хьанва цифер синерал,
ЭчIелавай ярдин читин перем хьиз.
Циферайгъуз рагъ кватнава чуьллерал,

Къад цIар

( Сагъламвилин гимн )
Жеч вичелай гуьрчегвал,
Сагъ чан патал гереквал,
Акьуллувал фадамаз,
Чанда жегьил дад амаз,
Фикир даим уяхда,
Сабур - кьиле, къужахда,
Зирек къекъуьн - кIвачериз,
Нурлу ишигъ-вилериз,
Икрам - экуьн сегьердиз,