Къад цIар

( Сагъламвилин гимн )
Жеч вичелай гуьрчегвал,
Сагъ чан патал гереквал,
Акьуллувал фадамаз,
Чанда жегьил дад амаз,
Фикир даим уяхда,
Сабур - кьиле, къужахда,
Зирек къекъуьн - кIвачериз,
Нурлу ишигъ-вилериз,
Икрам - экуьн сегьердиз,
Дерин нефес - жигердиз,
Дурумлу къаст - гьевесдиз,
Сагъ рикI - хурун кьефесдиз,
Женг - ви кIеви бягьсинал,
Залпанд - вагьши нефсинал,
Чанда рагъул тан тийин,
Мецел фитне кьан тийин,
Зар жен руьгьдин дамахдал,
РикI жен гьар са кIвалахдал,
Вафалувал - ватандиз,
Хатур гьуьрмет - инсандиз...