Хиялар

Хиялар тум, мефтI баркаван чил хьиз я,
Азадвални жуьрэт хас я бегьердиз.
РикIин ашкъи каинатдин вил хьиз я,
Сагъвал хас я уьмуьрдин хуш сефердиз.
Хиялар экв, уьмуьр женг я бягьсинин,
Сабур, кьарай - саламатдин  гуьзгуьяр.
Къанихвал - ам вагьши вил я нефсинин,
Къалабулух - агат тийир дердияр.
Хиялрилай крари диб къачуда,
Уьтквем юзун хас я кьилиз  акъуддай.
Четинвилер къастаралди атIуда,
Амал чир жен жуваз лезет хкуддай.
Хиялралди алчударда мензилар,
Легьзейри вун гъетерал кьван тухуда.
Нефс юзада, тIалабда кIунтI къизилар,
Вагьшивили кар юкьвалай атIуда.
Хиялри чаз эмирда гьар вахтунин,
Кьисмет гъиле мягькем кьуна вач  лугьуз.
Жигьир гана гьардаз вичин  бахтунин,
Бейкарвилик экуь мурад квач  лугьуз.
Чи ажугъар алахьдайла хиялри
Сабурдин кап алтадзава винелай
Теселлияр гана са виш суалри,
Намердвилер алудзава рикIелай.
Чи хиялри кьарай хуьзва дуьньядин,
Чилин фикир руьгьдин дерин  яцIа тваз.
Гьар са юкъуз къайгъуйрик жез пакадин,
Лазим кIвалах вичиз талукь кьацIа тваз.
Чи мефтI куьнуь, хияларни чIежер я.
Лув гудайла сан авачир мензилрин,
Кьилиз фейи мурадар чи виртIер я,
Умударни суьрсет я чи гуьгьуьлрин.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.