Къе яйлахда

Къуьнуьхъ лацу циф галчукна, кавал хьиз,
На лугьуди и дагъ цавун дестек я,
Секин яйлах милайим я, марал хьиз,
Гьикьван рикIиз чимини я, гуьрчег я.
Бижгъер-бижгъер хьанва цифер синерал,
ЭчIелавай ярдин читин перем хьиз.
Циферайгъуз рагъ кватнава чуьллерал,
Эслид рикIихъ тамарзу тир Керем хьиз.
Чуьлди цавухъ килигзава датIана,
Бул марфари мешреб ганвай дамахдиз.
Керемаз хьиз ракъиниз фад атана,
Ша гьахь лугьуз вичин чIагай  къужахдиз.
Ашукь хьанва вичин чIагай къужахдал.
Уьмуьрдиз хас буржи кьилиз  тухузва.
Луваривди циф чукурна яхлахдал,
Гьа гила мад рагъ авудда лугьузва.
Хипер суьруьд ашкъи гъизва гуьгьуьлдиз,
КIелер галаз яйлахд юкьва  гьахьзава.
Чубанди шад везин гъизва кфилдиз,
Дагъдал алай баябанвал квахьзава.