Перейти к основному содержанию

КцIарикай баядар

Шагь дагъд кукIа рагъ акьуна,
Ана живер жими ялда.
Дуьнья женнет хьайитIани,
РикIиз КцIар чими ялда.

Гъуцар сувун хураллайди
Чи Сувалрин яйлах яни?
Зи гафарин ван тахьана,
Вун эллерин чIалахъ яни?

Яд элцифай Къайи булах ,
Булахдин яд дугунава.
Я КцIарин хару тават,
Вун зи рикIи чIугунава.

Шагь дагъдин кIукI живедаваз,
Къвезвайди мад къаяр ялда.
Мулейлияр жергедаваз,
КIвенкIвевайди зи яр ялда.

Касан пелел чиг ацукьна,
Чиг ацукьай къванер аку.
Къеневай рикI акъудзавай,
Ярдин верцIи ванер аку.

Яру дагъдал яр акьалтна,
Циф алатна синерилай.
На чи кьарай атIумир яр,
Килигиз, физ гъенерилай.

Касан пелен вини патар
Тамар авай дереяр я.
Яр атана, рагъ хьиз хъуьрез,
Муьгьуьббатдин береяр я.

Шагьнабатдал алай фири,
Хьанвайди я селлерикай.
Чун гъуцари халкьнавайд я,
Касар лугьур эллерикай.

Хайидакай хай рахана,
Жув акьахай хел атIумир.
Къариблухдиз акъатай яр,
КцIарикай вил атIумир.

Рубрика

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.