Майрудин Бабаханов

Сифте цьуквер

Аял чIавуз сифте акур
Цуьквер физвач рикIелай.
АхквадайтIа нагагь абур,
ЦIар илитIдай чилелай.

Малум хьанвач къени тIварар,
Зун ктабра къекъвезва:
Сифте цуьквер - вили къашар
Зи кьатIунриз хуьквезва.

Суьргуьнда

Яргъалди яргъал тир хуьре хьун,
Гьар чIавуз заз куьне къехуьнда.
Вуч тахсир себеб яз, куьне зун
Авалда и кIеви суьргуьнда.

Вирида чIугвазва язухар,
Фенд ялда ксарин са бязи.
Гьавайда кьежирмир яйлухар,
Зун туш хьи а кардал нарази.

Ватан

Зи хайи чил,
Зи гьвечIи чил,
Азиз тир ватан,
За вуч ийин,
Кьисмет я ман,
КIан я вун гьакьван.
Зи тахсир туш,
Масана ваъ,
Вал хана лугьуз
Рагъни, марфни какахьнавай
ЧIимел тир зулуз.
Зи хайи чил,
Зи экуь чил,
Гьиссерин макан,