Перейти к основному содержанию

Сифте цьуквер

Аял чIавуз сифте акур
Цуьквер физвач рикIелай.
АхквадайтIа нагагь абур,
ЦIар илитIдай чилелай.

Малум хьанвач къени тIварар,
Зун ктабра къекъвезва:
Сифте цуьквер - вили къашар
Зи кьатIунриз хуьквезва.

КIунчIара кьил кьиле аваз,
Акъвазнавай дамахдал.
Зун а кIунчIар гъиле аваз,
Фенай сифте булахдал.

Абура чин чуьнуьхарна,
Зун сифте яз хъуьренай,
Сифте атай накъварни
А цуькверал хъиченай.

Гьар абурук вил хкIурла,
РикI шад хьана ргазвай.
Жечни, абур гьар акурла,
Заз дидени аквазвай.

Гьатдач цуьквер а жуьредин,
Къекъвеналди синерал
Абур алай зи дидедин
Булушкадин ценерал…

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.