Нуредин Шерифов

Мад вуч лугьун за ваз, Актив,
Дидедин чIал кьабулдачир?!
Дидед гайи нек ваз гьайиф,
ЧидайтIа вун икI, гьич хачир.

Тефей кьилиз на кьур кьинер,
«Вун туна фич»- лагьай Къумрал.
Къакъатунин цIу зи жигер
Кабабна хьи недай, Къумрал.

Уях хьухь халкьар,
Мукьва я йикъар...
Кьуна гъиле лаш
Куьн яваш-яваш
Муькъвел экъечIа!
Авуна суракь,
жагъура…

Вилик акур крар чуьнуьх
Ийидай инсан авани?
Хажалатлу рикI сагъардай,
Духтурриз дарман авани?

РикI цIвазва рикъини куз,
Яраб серин гар жедатIа?
Фикир чIугвар жегьил я зун,
Яраб кIани яр жедатIа?

Хуш яни ваз къацу тамар,
Кьуна мескен гьана, билбил?
Цуьквед вилик ийиз шелар,
Хьайла зи рикI кана, билбил?

Гъавурдвай инсанриз
Чlехи нямет я садвал.
Садвал авай хзанриз
Даим къисмет я шадвал.