Мад вуч лугьун за ваз, Актив,
Дидедин чIал кьабулдачир?!
Дидед гайи нек ваз гьайиф,
ЧидайтIа вун икI, гьич хачир.
ЧидайтIа квез халкьар вири
Вилик финиз себеб жери,
Дидедин чIал туна, гъейри
Патан са чIал куьне кьачир.
Партиядин язва эмир
Дидед чIалал кIелун эхир.
Гила маса багьна гъимир,
Лугьуз: "Залай алакьначир."
Алай гъилел зегьметд къабар
Элдикай хьанайтIа хабар,
Маса чIалал кихьей чарар
Гана гъиле, мягьтел тачир.
Рубрика
Добавить комментарий