Ярали Яралиев

Чи чIал аку

Квахьна фагьум, вучтIа чизмач,
Зун зи чIала какадарна.
Ада зални абур гъизмач,
Акадарнач, акадарна.

Гафар чипел алтIуш хьана,
Чара амач, чара ама,
Мана квахьна, бигьуш хьана,
Тарар амач, тарар ама.

Чир хьанач

Къанни вад йис… зун жувавай къакъатна,
Ахвар яни, аквар яни чир хьанач.
Йикъар, йифер икI гуьнгуьнай акъатна,
Ахвар яни, аквар яни чир хьанач.
 
Им вуч кар тир, вучиз ам зал туьш хьана?
Заз хиялри йифиз-юкъуз тIуш гана.
За алахъна галатуниз куьш гана,

Зун - Вун

Ваз чидани, чун чарад туш,
Вун гьа зун я, зунни вун я.
Алатна фин чи мурад туш,
Чи арада фаркь тавун я.
 
Бахтунин цам гъилик галаз,
Са дидеди ханачни чун?
Са буба чи кьилел алаз, 
Са хизанда хьаначни чун?
 
Дидед лайлай, бубад махар,