Чи чIал аку

Квахьна фагьум, вучтIа чизмач,
Зун зи чIала какадарна.
Ада зални абур гъизмач,
Акадарнач, акадарна.

Гафар чипел алтIуш хьана,
Чара амач, чара ама,
Мана квахьна, бигьуш хьана,
Тарар амач, тарар ама.

Каларикай калар жеч гьа,
Парарикай парар жедан?
Пуд лагьана пуд кхьич гьа,
Ваз патавай патар чидан?

Бес чам гьинай, чам гьинай бес?
Белки чехир, йатIа чехир?
Чуру, чуру кьвед тучни бес?
Гьа туч лугьун туч туч ехир.

ГьикI перцикай хьанава пер?
Чилни, чилни сад жеда кьван!
Тум галачир тумун хипер,
Кам камукай хъхьурай кван!

Таб таб йани, йа тахьайтIа,
Чара йани, чара йани?
Паб паб йани ни ахъайда?
Пара тучтIа, пара йани?

На чар кхьихь, чар кхьимир,
Часпардикай часпар айа.
На цавукай цав хъийимир,
На квараркай кварар айа.

На ви девран икIа гьала,
Рахшандармир вуна закай…
Зи кукIар хьий лезги чIала
Ехир шаир уна закай.