Шагьабудин Шабатов

Хуьруьн са пай мукьвабур я, валлагь, заз,
Гьам дидедин, гьам бубадин паюнай.
РикI ачухдиз, сивик хъвер кваз кьабулдач,
Кваз кьадач…

Кьил агъузна лацу чарчел
Машгъул я зун датIана.
Зи гьал, агьвал вучиз куьне
Чирдач, дустар, атана.

Завод амач, я кархана,
И кар акваз рикI тIар хьана.
Лагь, им гьихьтин къе кар хьана?
Чахъ Лезгистан уьлкве аваз.

Агь ялгъузвал, ялгъузвал,
Вун я кьилин агъузвал.
Лагь гила за вуч ийин?
Хкажизни хъжезмач
Завай ярх хьайи гичин.

ЛагьайтIа заз, вун эбеди
Амукьрай дагъ яз,
Дуьнья амай кьван гагьда.
Жеда вун сагъ яз.