Малик Гьажиев

Гъезелар

Фейи йисар рикIел хквез, фикирри зун къарсурзава...
Заз аквазва зун фейи рехъ, - ам масадаз аян жедач.

Дуьньядин рехъ, кьисметрин рехъ, - куьн сад-садак какахьнава.
Дуьньядилай фин тийидай я гьаким, я султан жедач...

Эхирдиз тамаш!

Къванерал кхьинар
“Мискьи кас тир вун, - мискьи яз  кьена;
Девлет амукьна, амма вун фена.
Чир хьанайтIа ваз кучуддай къимет, -
Вуна вун кIулаваз тухудай, гьелбет”.
“Къуллугърал хьана, дуьнья тарашна...
Ингье ажалди вунни явашна...

Ялтах

Къуллугъ гвай ксариз
Гзаф кIанда ялтахар...
Фида кьван садра седри
Галай патахъ ятахар
А гьайванрин зеведиш
Амалдар са итим тир.
Аял чIавуз и ялтах
Гьелек хьайи етим тир...
Седридини и касди
Гзаф девлет тарашнай,
Къени пиян седри ада