Ялтах

Къуллугъ гвай ксариз
Гзаф кIанда ялтахар...
Фида кьван садра седри
Галай патахъ ятахар
А гьайванрин зеведиш
Амалдар са итим тир.
Аял чIавуз и ялтах
Гьелек хьайи етим тир...
Седридини и касди
Гзаф девлет тарашнай,
Къени пиян седри ада
Тарифдалди явашнай:
“Вун зи буба я! Зун - ви лукI!
Маса рекьяй фидай туш!..”
“Зун ви буба гьикI хьурай? -
Заз ви диде чидай туш!..”
“Ви мециз кьий, чан седри!
Гьар са гаф ви чаз гьахъ я.
Заз “кицIни” лагь, “ламран хвани” -
Валлагь, зун ви чIалахъ я!..”
Гьикьван ава и жуьре
Намус квахьай алчахар!
Дидени кваз маса гуз,
“Кьил хуьзвай” ялтахар!”

Рубрика