Медет Арзуманов

Вили цавалай авахьна фейи 
Гъед ви уьмуьрдин эхир яни, лагь!
ЧIулав шаршавдик акахьна фейи 
Даканда тухвай фагъир яни. лагь!

Экуьн кьиляй чиг ацукьай цуькверин 
Хуравай зар квахь тавурай, илагьи!
Ашукь хьайи билбилринни нуькIверин 
Пак агьу– зар квахь…

ЦIурурзава дердери вун
За лугьузвач : «-Шехьа зи рикI!»
Ви кьисмет я гъамуна кун
Эха зи рикI, эха зи рикI!

Гьатнавай…

Дуьнядикай атана пай 
Галукьайди дидардин цIай,
Хайибуруз хьана тахай
Дерт-гъамуна кана хъухъвай
РикIин къене авайди чIун …

РикI чуькьуьзва дердери 
Чар чуькьуьзва бендери.
Кенефдин кьил квахьнаваз
Зун хьанватIа сесери?!

Са хел ацIай, са хел ичIи
Вакай терез хьана дуьня.
Йикъал гичIи, йифел мичIи
Вун хар хьана къвана дуьня.

ТупIалаймир дердер икьван, ваз гъамунун пай жеда гьа!
ХъуьтIуьз кIвале туьхъвенвай къул, ви хиялда цIай жеда гьа!

Бахтсуз за, вал кхьидай кьван,
Лацу чар, вун бахтсуз жезва.
Кьисметдихъ кваз ккIидай кьван
Ажални зал вахтсуз къвезва.