Лагь

Вили цавалай авахьна фейи 
Гъед ви уьмуьрдин эхир яни, лагь!
ЧIулав шаршавдик акахьна фейи 
Даканда тухвай фагъир яни. лагь!

Ашкъидихъ кайи Саядан нисбет
ЧIугваз цIрана Шихрегьим хиффет.
РикIе къекъуьрай Кереман сурет.
Эсли куз фейи жигьир яни, лагь!

Сурал архани, стхани татай 
РикI хажалатдин дердери атIай 
КIелдайла вилер накьварив ацIай 
Етим Эминан шиир яни лагь.

Дуьнядин дерт-гъам рикIив агудай ,
Залум Сурхая вилер акъудай,
Жуван вилерни къурбанд вугудай 
Вун Саид хьтин са пIир яни лагь.

ТахьайтIа вун зи, бахтунун гъед яз 
Куьгъуьнал алай къаргъиш я, сед я.
Илагьи, вуна заз къазвай гьед яз 
Бахтлу уьмуьрдин эхир яни лагь!