Зарияр

Алим ва шаир Мегьамед-Шериф (XlX acup) Ахцегьа дидедиз хьана. Ам тIвар-ван авай алим ва шаир Ахцегь Мирза Алидин стхадин хва я. Ахцегь Мегьамед-Шериф пуд чIалал ( лезги, араб ва туьрк ) шиирар теснифзавай шаир хьана. Адан эсерар Дагъустандин алимрин ва эдебиятдал рикI алайбурун арада чкIана.

Алим ва шаир Саид-эфенди (XlX acup) Къачмаз шегьерда дидедиз хьана. Бажарагълу жегьилди жуьреба-жуьре медресайра диндин ва тIебии илимар, РагъэкъечIдай патан чIалар чирна. Эдебиятдин эсерар Саид-эфендиди лезги, араб ва туьрк чIаларал теснифна.

Зари Лезги Хва XIX асирдин сифте кьилера Къуба магьалдин Межидли хуьре дидедиз хьана. Вичин девирдиз талукь савад авай ва гзаф чIалар чидай инсан яз, ада манияр лезги, эрмени ва туьрк чIаларал теснифна. Ашукь гзаф йисара Александрополь шегьерда яшамиш хьана.

ЧIехи алим ва шаир Алкьвадар Гьасан 1834-йисуз Авар округдин Балакани хуьре дидедиз хьана. Ина адан буба Алкьвадар Абдуллагь-эфенди, Куьредай вичин муаллим Ярагъ Мегьамедахъ галаз атана, яшамиш жезвай.

Зари Фейзуллагьан хва Рамазан (XlX acup) Самур округдин Лгар хуьре дидедиз хьана. Ада хайи хуьруьн ва Ахцегьрин медресайра кIелна, илимар ва РагъэкъечIдай патан чIалар чирна. Лгави Рамазан шаирвилин рекьяй Мирзе Алидин ва Алкьвадар Гьасанан дережада авай.

Фяле шаир Малла Нури I835-йисуз Ахцегьа дидедиз хьана. (Бязи ктабра адан тIвар Ахцегьви Нури яз гьатнава). Хци зигьин авай гадади хайи хуьруьн медресада кIелна, илимрин дибар ва чIалар чирна. Ам манияр ва шиирар теснифунал машгьул хьана.

Зари Жабраил тахминан I838-йисуз Самур магьалдин Мискискар хуьре дидедиз хьана. Ада хайи хуьре кIел-кхьин, ахпа Ахцегьрин медресада илимар, чIалар чирна. I877-йисан бунтара иштирак авунвай Жабраил Урусатдиз суьргуьндиз акъудна.