Эмираслан Гъанидин

Эмираслан Гъанидин Вини ТIагьиржал хуьре (Азербайжан ССР-дин Кцlар район) 1851-йисуз дидедиз хьана. Кесиб лежбердин хизандай тир Эмираслан яшамиш хьайи девир зегьметчи халкь зулум-зиллетдин зунжурдавай, динди агъавалзавай ва дагъвийрин арадиз капитализмдин алакъаяр къвез башламишзавай аям хьана. ТIагьиржалвийриз Эмираслан дерин кьатIунар, хци зигьин авай кас яз чидай. Вахтсуз къазадикди бубани ими къакъатай Эмираслана къве хзан идара ийизва. Ам уьмьурдин яцIа гьатзава, дарвилер аквазва. Гьа чIавуз жегьил шаирди лагьанай: Кьакьан цавар, кIеви чилер зал хадай, ЦIалцIам чина гьар са жуьре хвал твадай, Кьве падни рикI, ширин чанда звал твадай, Дава-дарман якьван66 тийир чан жедан? Шаирдин кьилел мад са дуьшуьш къвезва. ТIагьиржал хуьре цIегьерин азар чкIай чIавуз Эмирасланан вахни стха кечмиш жезва ва вични и азардикди са вилел зайиф ва чупур хьанай. Ягьсуз фекъийрин, зулумкар девлетлуйрин суфатар такун патал Эмираслан хуьряй экъечIнай. Ам сифтедай Манкъулидин, гуьгъуьнлай Велемир хуьрера яшамиш хьана. Амма инани инсанар, Етим Эмина лагьайвал, хиперизни жанавурриз пай хьанвай. Шаир хейлин йисара гьахъсуз дуьньядин сирерай кьил акъудиз, адан ери-бине чириз алахъзава. Эмираслан Гъанадинахъ яшайишдин месэлайриз бахшнавай, дуьньядикай веревирдер ийизвай ва муьгьуьббатдин чIалар ава. Абурай аквазвайвал, шаирди зегьметчи халкьдиз поэзиядин фасагьат чIалалди къуллугъна, адан дерди- гьалдикай рахана. Гьавиляй кьетIен рангаралди яратмишнавай Эмирасланан къешенг эсерри чаз еке таъсирзава ва, зун умудлу я, гележегдин несилрин руьгьдин хазинада лайихлу чка кьада. Вири уьмьур дарвилерани азиятра кьиле фейи Эмираслан Гъанидин 1896-йисуз, гьеле чагъинда амаз, кечмиш хьана.

Акимов Къ. Х. «Лезги зарияр»

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.