Зарияр

Билал Адилов КцIар райондин СтIуррин хуьре дидедиз хьанва. Хуьре юкьван мектеб, Бакуда Азербайжандин экономикадин институт тафавутдив акьалтIарнава. "Самур", “Алпан” газетра кIвалахнава. И мукьвара лезги ва урус чIаларал акъатнавай “43” улубдин кирам я.

Гьажимурадова Римма 1960-йисан 11-ноябрдиз Шабран (Девечи) райондин Сиязан шегьерда дидедиз хьана. Гуьгъуьнилай абурун хизан Кцlар райондин Манкъулидхуьруьз куьч хьана.

Шаирвал сенят ваъ, Аллагьдин гунуг я- лугьуда- шаиррин руьгь цаварал, кIвачер чилел, накьвадал кIанда. Магьсим Магьсимов  гьа ихьтин-кIвачер чилел, накьвадал алай, гъиле юкъуз пер, дергес, йифиз къелем авай шаир я.  

Алатай асирдин 60-йисара лезги поэзиядиз атай Исаева Бажиханум Гьажидин руш 1940-йисан 1-октябрдиз КцIар райондин къадим хуьрерикай тир ЭчIехуьре дидедиз хьана. Ина юкьван мектеб акьалтIарайдалай гуьгъуьниз Къубадин медтехникумдик экечIна.

Кьасумова Зерифа 1956-йисуз КцIар райондин СтIуррин хуьре дидедиз хьана. Юкьван мектеб акьалтIарай Зерифади ДДУ-да кlел авуна, гила муалимвиле кlвалахзава. Гьам хайи чlалал, гьамни Азербайжан чlалал шиирар кхьизвай Зерифади кьве улуб чапнава. Ада Къуба шегьерда уьмуьрзава.

Шафиддин Агьмедан хва Герейханов 1937-йисуз Тlигьиржалдал дидедиз хьана. Хайи хуьре юкьван мектеб акьалтlарайдалай гуьгъуьниз Бакуда Азербайжандин Девлетдин Университетдиз кьабул хьана.

Мегьди Ягьябеган хва Пашаев 1940-йисуз Кьуьхуьррин хуьре муаллимдин хизанда дидедиз хьана. 1963-йисалай башламишна 47 йисуз  хуьруьн мектебда муаллимвал авуна ада.