Келентер Келентеров

ЧIал къгъида

Чи дидедин верци чIалал,
Дидедал  кьван рикI ала зи;
Къене чIуру гафар акваз,
Къе вилерал чиг ала зи.
Ктаб, газет гъиле къурла
Чандик зурзун акатзава;
ГьикI жезва заз, кек якувай,
РикI хурувай  къакъатзава.
Идаз-адаз авач зи гаф,
Кхьирагдив измач инсаф,

Шумуд югъ я, шумуд йиф я

Шумуд югъ я, шумуд йиф я,
Шиир кьилиз акъуд тежез;
Гафунив кьад гаф жагъурна,
Ц1ар са ц1арцив агуд тежез.
Килиг тавур са гафалаг
К1ел тавур са ктаб амач;
Дуьняда гаф жагъурунлай
Маса ч1ехи азаб авач.
Аран дагъдиз, дагъ арандиз
Галат тийиз ялда гьикьван?

Вуч кас ят1а чиз, я течиз...

Вуч  кас  ят1а  чиз,  я  течиз,
Са  лезгиди  са  лезгидиз,
Са  ягьанат  аянарна,
Ихьтин  жузун  баянарна:
К1вализ  мугьман  атун  кумаз,
Ам  вуж  ят1а  чир  тавунмаз,
Вучиз  вуна  туквада  гьер,
Вун  хуьруьн   бег  яни  мегер?
Жаваб  гана  касди  касдиз

Жив алай кьил кьуна цава...

Жив алай кьил кьуна цава,
Шагьдагъдихъ са кук1уш ава;
Ам яргъалай килигайла,
Мукьув гвай хьиз аквада;
Йифиз – юкъуз рехъ фида вун,
Кук1уш вавай яргъаз жеда.
Шиирни гьа кук1уш хьиз я, -
Рик1 к1армашдай са шиирдив
Садран рик1ин кьил агакьдач;