ЧIал къгъида

Чи дидедин верци чIалал,
Дидедал  кьван рикI ала зи;
Къене чIуру гафар акваз,
Къе вилерал чиг ала зи.
Ктаб, газет гъиле къурла
Чандик зурзун акатзава;
ГьикI жезва заз, кек якувай,
РикI хурувай  къакъатзава.
Идаз-адаз авач зи гаф,
Кхьирагдив измач инсаф,
Къелем къвери шаирдини
ЧIалаз къазва такур инад;
Квадарзава гафун абур.
ЦIарарин рикI ийизва пад.
Диде - буба авач гафар
Гьич кьухунлай фидайбур туш;
Руш рахурдай гадад мецел.
Са хвешивал гъидайбур туш.
Я чIалан кIвал чIурзавайди, -
ЧIал ви къамат, ви акун я;
Им а чIалал рахазвай халкь,
Халкьар къене амукьун я.
Зи рикIе цIухI гьатнава къе,
Чан гуда за чIалан рекъе;
Мад элкъведач и гафунлай,
ЧIал хьйида са сафунлай;
Пехилбурух хъел кухтуна,
Шит гафарик кьел кухтуна,
ЧIалал чIалан гьал къгъида;
Дидед чIалал шаир кхьиз,
Къе за лезги шаиратдиз,-  
Лезгистандин чIал къгьида!...