Шах-Эмир Мурадов

Ажалдиз месе гьатнава диде,
Йифериз адал къаравул я хва.
Гьат тийидайвал гатун кар хъуьтIе,
Гьар са инсандиз герек я арха.

Дидедихъ амач гьич юзадай гьал,
Хва къайгъудар яз гва адан къвалав.
Са геренда хва фена ахварал,
Уях хъхьана кваз рикIик ялав.

ТIурфандин юкьваз аватайтIани,
Дагълара селдик акатайтIани,
МичIи тама рехъ алатайтIани,
Ажалдин вилик жедач зун ажуз,
Дидедив за кьил ийиз тач агъуз.