ТIурфандин юкьваз аватайтIани,
Дагълара селдик акатайтIани,
МичIи тама рехъ алатайтIани,
Ажалдин вилик жедач зун ажуз,
Дидедив за кьил ийиз тач агъуз.
Кеферда варцар акъудайтIани,
Гьуьлуьн деринриз авудайтIани,
Са кIвач атIана галудайтIани,
Зайифардач за зи рикIин ялав,
Хкведа азиз дидедин къвалав.
Хкаж жеда зун дагъларин кукIвал,
Яд уьлквейризни акъатда яргъал,
Амма кьатI тийиз кIанивилин гъал,
Гьамиша рикIе жеда хайи хуьр,
Дидедин патав хкведа эхир.
Рубрика
- Добавить комментарий
- 2068 просмотров
Комментарии
Гзаф хъсандиз кхьенва царар…
Гзаф хъсандиз кхьенва царар
Гьайиф жеч кьве сятинин цапар
Ийервилиз гаф ваш
Ийервилиз гаф ваш
Добавить комментарий