Ажалдиз месе гьатнава диде,
Йифериз адал къаравул я хва.
Гьат тийидайвал гатун кар хъуьтIе,
Гьар са инсандиз герек я арха.
Дидедихъ амач гьич юзадай гьал,
Хва къайгъудар яз гва адан къвалав.
Са геренда хва фена ахварал,
Уях хъхьана кваз рикIик ялав.
Мягьтел хьана ам – вичин винелай
Аладарнавай акуна яргъан.
Азарлувални фена рикIелай,
Дидеди хциз кърбанзава чан.
Алачиз яргъан агаж хьанавай ам
Тадиз, аял хьиз, къжахламишна,
Нефесдив чими ийиз кIараб, хам,
Хци адаз рикIин ифин багъишна.
Рубрика
- Добавить комментарий
- 1957 просмотров
Комментарии
Пара эсерлу ва мефятлу…
Пара эсерлу ва мефятлу шиирар кхьенва. Зах шаирдин ктабарни ава. Ам зи бубадиз Хуьруьг Лукьманаз лап хъсан чидай.
Д
Д
Добавить комментарий