Дагълар Абдуллаев

Хуьре пакамахъ

Нехирбан фад къарагъда,
Ахварна ширин.
Цавай булут такурла
Жеда рикl секин.

Акур чlавуз тух яцар,
Чиликни кваз кьеж,
Фида лежбер мад ник1из,
Пеле аваз хвеш.

Гзаф рушар аватlа
Булахдин рекье,
Далдамчиди фикирда:
— Мехъер ава къе.

Нини

Чан нини, чан нини,
Гъилерик цамар галай.
Чан нини, зи нини,
Къизилдин сарар авай.

Шехьмир я лугьуз чими,
Чун сериндик ацукьда.
Ипекдин лацу, михьи
Блушка вал алукlда.

Жив

Ангье, гьарнавай атир чикIиз,
Яр-емиш кIватI хъийизва бул.
Жив авай хъуьтIуьн йикъара
Жеда къени гьар садан къул.  

Живеди чак аялрикни
Хвеш кутада хъуьтIуьн цикIиз.
Къе и чунни женгиник ква,
Куьгьне гъелер цIийи хъийиз.