Нини

Чан нини, чан нини,
Гъилерик цамар галай.
Чан нини, зи нини,
Къизилдин сарар авай.

Шехьмир я лугьуз чими,
Чун сериндик ацукьда.
Ипекдин лацу, михьи
Блушка вал алукlда.

Чан нини, зи нини,
Бурма, хуш чlарар алай.
Чан нини, зи нини,
Далуда камар авай.

Къацу хьанва дагъ-дере,
Къецел гуьзел гатфар я.
Фида гила чун къекъвез,
Ажеб гуьрчег йикъар я.

Чан нини, зи нини,
Ичер хьиз хъуьхъвер авай.
Чан нини,зи нини,
Чlулав, шад вилер авай.