Хуьре пакамахъ

Нехирбан фад къарагъда,
Ахварна ширин.
Цавай булут такурла
Жеда рикl секин.

Акур чlавуз тух яцар,
Чиликни кваз кьеж,
Фида лежбер мад ник1из,
Пеле аваз хвеш.

Гзаф рушар аватlа
Булахдин рекье,
Далдамчиди фикирда:
— Мехъер ава къе.

Ученик тарсар вичин
Чир авур вири
Гьатда рекье мектебдиз,
Къумбар яз кефи.

Адет я икl тьамиша,
Зи дагьдин хуьре.
Гуьзлемишда пакама,
Гьарда са жуьре.

Ухшар макъалаяр