Ихрек Режеб

Я зи дерт алуда, я къачу зи чан,
Гумир тIун азабни агьузар заз.
Шехьдай кьван буьркьуь я, амач захъ аман,
Кьамир тIун гьижрандин залан…

Милиз хъуьрез гала вун къе рушарихъ,
За якъутдихъ, мермердихъ вун дегишдач,
И дуьньяда авай вири къашарихъ,
Мержандихъни, гевгьердихъ вун…

Са халди зи вилерин экв туьхуьрна,
Са халди зи винел шиван ийизва,
Са халди зал алчах душман хъуьруьрна,
Са халди зи гьакьни дуван ийизва.

Фадлай инихъ зун и багъдин багъман тир,
Бегьер ганач заз цуьквери, севдуьгуьм.
Гьайиф уьмуьр кечирмишун пашман тир,
Чухвазва хьи зун…

Ивидин нагъа авахьзава вилерай,
Гурлу жезва гьуьлер, на вуч лугьуда?
Лукьманавай тIалабзава за дарман
Кьаз ашкъидин селлер, на вуч…

Рагъ авачир мичIи къуза
Ракъинай кьаз жемир, нагьакь,
Вал фелекди гъида къаза,
Гьахъсуз рекьиз къвемир, нагьакь. Нагьакь касдиз гудач…

Инсан ава инсандилай хъсан я,
Инсан ава гьайван адалай хъсан я,
Инсан ава вич хандилай хъсан я,
Инсан ава къал-макъалдив къугъвадай.