Зун гьуьл я, вун зи лепе хьухь,
Жагъура заз фидай са пад.
Хиял хьана зи рикIе хьухь,
Физ хьайитIа яргъариз мад.
Вун чуьл хьурай, зунни цуьквер,
Марф къвайила гуьрчег хьайи.
Селдин хурук ква а рекьер,
Вун хъфейла зун тек хьайи.
Атанва къе зун ви патав,
Геж атана лугьумир заз.
РикIин къене кузвай ялав
Жувахъ галаз гъанва за ваз!
Терез хьанач гъам алцумдай,
Багьна хьанач вав гатIумдай.
Геж я лугьуз рахкурмир зун,
КIан хьайиди са вун я, вун.
Къекъведалди сал жигъирра,
Акъатнава зун яргъариз,
Захъ вил жемир ви.
Сефил хьайла, хкваш рикIел
Заз на гайи кьин.
Хатадай хьиз гар атана,
ГатайтIа дакIар,
Ам зун я ви патав атай,
Закай гуз хабар.
АватайтIа ви дакIардин
Гуьзгуьдал стIал,
Атанва къе зун ви патав,
Геж атана лугьумир заз.
РикIин къене кузвай ялав
Жувахъ галаз гъанва за ваз.
Терез хьанач гъам алцумдай,
Багьна хьанач вав гатIумдай.
Геж я лугьуз, рахкурмир зун,
КIан хьайиди са вун я, вун.
Таж храна векьерикай,
Кьилел кьунва за.
КIунчI багъишиз цуькверикай
Гъилел кьунва за.
Зи муьгьуьббат ваз ачухун
Хиве кьунва за.
Садазни чир тахьуй лугьуз,
РикIе тунва за.
ЧIал чир тахьун жуван хайи
Аватун я къуватдай.
ЧIал диде я, чIал Ватан я,
ЧIал салам я гъурбатдай.
Зун дидеди манийралди
Твадай ширин ахвара.
Хайи чIалал ягъай лай-лай
Къени ама япара.
Кьисметди зун акъуднава яргъариз,
Хайи чилел кIвачин гелер тунач за.
Зи фикирар мад хъфизва дагълариз,
Кьве гъиливни абур кIевиз кьунач за.
