Ватан

Кьисметди зун акъуднава яргъариз,
Хайи чилел кIвачин гелер тунач за.
Зи фикирар мад хъфизва дагълариз,
Кьве гъиливни абур кIевиз кьунач за.

Са чил я им, са варз я им, са рагъ я,
Жумартвилив чим-экв гузвай рекьиз зи.
КIвал, веледар, хизанни заз са багъ я...
Хайи къулан нев бес жезвач рикIиз зи.

Тахьайвиляй зи ватандин къадир заз,
РикIин кIусар элкъвезва хьи накъвариз.
Дарихвиляй экуь дуьнья дар я заз,
Темен гудай хайи чилин накьвариз.

Чи кьисметди, авахьзавай вацIу хьиз,
Тухузва чун хабар такьаз яргъариз.
Вахт хьайила мукьвал жедай ажалар,
Мад элкъвена хъфизва чун дагълариз.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.