Перейти к основному содержанию

Геж атана...

Атанва къе зун ви патав,
Геж атана лугьумир заз.
РикIин къене кузвай ялав
Жувахъ галаз гъанва за ваз.

Терез хьанач гъам алцумдай,
Багьна хьанач вав гатIумдай.
Геж я лугьуз, рахкурмир зун,
КIан хьайиди са вун я, вун.

Къекъведай кьван дар жигъирра,
Галатна зун жагъуриз бахт.
Лугьумир заз геж атана,
Дуьз рехъ такваз, акъатна вахт.

Цифер алай кьисметдал зи,
Хъуьрезвачир ракъин нурар.
Зун гьикI къведай къаршидиз ви?
Агалнавай рикIин варар.

Шем хьиз кун зун, ваз экв гурай,
Геж ятIани, кIанда рикIиз.
Вун гатфар я, зун зул хьурай,
Яхъ къужахда на зун кIевиз.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.