Камалдин Ильясов

Тийижир гуьзел...

Вун акурла, я чан гуьзел,
Мани къведа ширин мецел,
Гьикl акъвазда вун акурла,
Рикlе михьи ашкъи турла.

Заз акурлахъди вун, гуьзел,
Экв куькlвена михьи рикlе,
Шад хьана, агь, заз а тегьер,
Сивел хьана мили тир хъвер.

Жасмина...

Ви хъсанвилер гьисаб жедач тупIарал:
Сес ширин я, мез виртIедин дад авай,
Билбилди хьиз тухуз вуна гафарал,
Жасмина руш, вун зи рикlе фад авай.

Лезги чlал...

Зи чандилай багьа я заз лезги чlал,
Акъат тийир зи руьгьдай гьич рекьидал,
Къекъвез ава зи ивида, бендина,
Муьтlуьгъ тахьай чlал я женгина.

Диде...

Гьисаб жедач тупlаралди зегьмет ви,
Диде, чна гьич квадардач гьуьрмет ви.
Гьар са кардиз къвезва еке къимет ви,
Азиз диде, вун я чlехи девлет чи.