Перейти к основному содержанию

Тийижир гуьзел...

Вун акурла, я чан гуьзел,
Мани къведа ширин мецел,
Гьикl акъвазда вун акурла,
Рикlе михьи ашкъи турла.

Заз акурлахъди вун, гуьзел,
Экв куькlвена михьи рикlе,
Шад хьана, агь, заз а тегьер,
Сивел хьана мили тир хъвер.

Са вун я рикlи чlугурди,
Ана михьи ашкъи турди,
- Вун гьинай я икьван иерди?
Акурди туш валай гуьзелди.

Гьинай я вун? Гьинай я вун? 
Катмир вун рахайла вахъ зун,
Гьинай я вун? гьинай я вун? 
Кlан хьайиди са вун я, вун.

Вун тахьурай чарадан свас,
Жаваб це заз, гумир на наз,
Заз кlанзава вавди рахаз,
Тефирай зин фикир яргъаз.

Вун бубади заз гайитlа,
Чун кьведни санал хьайитlа,
Ви кефи за гьич хадачир,
Текдизни за вун тадачир.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.