Гьисаб жедач тупlаралди зегьмет ви,
Диде, чна гьич квадардач гьуьрмет ви.
Гьар са кардиз къвезва еке къимет ви,
Азиз диде, вун я чlехи девлет чи.
Сифте вилиз акурдини вун я заз,
Заз тербия гайидини гьахъ рахаз.
Ксун тавур бала алаз гъилерал,
Диде, заз вун сагъ акурай чилерал.
Аллагьди ваз гурай диде виш йисар,
Шад яз фирай диде вири ви йикъар.
Гьич садрани жез тахьурай ви рикl дар,
Ви вилерай фидайбур хьуй шад накъвар.
Диде, ви тарс хуьзва даим рикlе за,
Аферин ваз, туна зун дуьз рекье на.
Азиз диде - ви гьар гаф заз вине я,
Дуьньядилай багьади заз диде я.
Ви веледрин шад мехъерар акуна,
Хтуларни на метlерал ви кьуна.
Акурай заз вун шад диде ширин тир,
Кlанивилиз гьуьлелайни дерин тир.
Заз дуьньядал багьади зи диде я.
Дидед зегьмет заз виридлай вине я.
Диде чан, зун гьа на къалай рекьева,
Вун гьамиша Камалдинан рикlева.
- Добавить комментарий
- 5042 просмотра
Комментарии
Хороший стих
Хороший стих
Хорошее стихотворение
Хорошее стихотворение
Очень красиво!
Очень красиво!
Спасибо большое автору за…
Спасибо большое автору за такой красивый стих! Я буду читать его на праздничном мероприятии ко дню матери в школе.
Добавить комментарий