Аман гузвач хиялри...

Атанай вун зи уьмуьрдиз ахвар хьиз,
Чимивал гвай са гатфарин шавгьар хьиз
Дегишарай зи ацакьун- къарагъун.
Белки тиртIа им кьисметдин са къугъун?
Секинвал заз гьич гузамач хиялри,
Акъваз туна  гьа чалзава суалри,
Лугьуз  чандик  кутазва са къайивал-
Белки гьа икI хъсан ятIа хьайивал?
Белкини я  са бахтавар  вун гила
Хьаначни   вун пашман ашкъи кьейила?
Шумуд йисуз хтаначни рикIел зун
Тушни  бегем а йикъарихъ цIигел вун?
Белки завай чирна вуна чинеба
Дердер  чIугун хъуьруьр тийиз эл –уба?
Я тахьайтIа къван жезватIа  рикIикай
Тафават туш  ни къунватIа гъиликай?
Амма чир хьухь , чара жедач кIанивал
Чандивай зи, тандивай зи рекьирдал .                              
Уьмуьрда за ругьда даим  хер аваз,
Акьван к1ани  а  вилерихъ    вил галаз…

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.